影片
更多
2017-08-23
453 瀏覽
由南生圍搭611小巴喺光華廣場站落車，行多幾分鐘就到富達廣場，最尾嗰間舖就係Chef's Stage Kitchen~午市套餐包括前菜 (沙律+牛角包+煙肉薯仔湯)、主食、熱/凍飲，加$25配埋法式焦糖燉蛋。前菜一上前菜已經好surprize~冇諗係咁大份。食過其他平少少或者差不多價位嘅西餐廳，湯都係用咖啡杯裝住，沙律只係少少一撮，再配餐包。煙肉薯仔湯味道香濃，帶少少蕃茄酸味。以前飲過其他薯仔湯因為太稠，愈飲愈口渴，好似吞稀薯蓉咁，有啲滯。但Chef's Stage Kitchen嘅湯帶酸，唔會過稠，做好前菜開胃嘅本份~沙律拌有青蘋果絲，清新開胃。牛角包一拎上手傳嚟一陣暖意，餐廳好貼心，有將包烘暖。食落鬆脆酥軟，有牛油香而唔油膩。食完前菜，已經不禁期待主菜~香煎比目魚配白酒汁伴鮮忌廉薯蓉、四季豆及秋葵 $128魚皮煎得香脆，滲出魚油，魚肉仍然鮮嫰。沒有多餘嘅調味，簡簡單單，已經令人回味。薯蓉好rich，用乾燒四季豆點嚟食好match~ 秋葵一向唔係我杯茶，但燒秋葵帶少少焦香，令啲秋葵汁好易入口，甚至令我添食~卡邦尼尖通粉 $88一塊塊芝士片灑落喺尖通粉之上，令芝士控朋友極為激動。尖通粉
午市套餐包括前菜 (沙律+牛角包+煙肉薯仔湯)、主食、熱/凍飲，加$25配埋法式焦糖燉蛋。
前菜
前菜: 牛角包+沙律+煙肉薯仔湯
28 瀏覽
0 讚好
0 留言
煙肉薯仔湯味道香濃，帶少少蕃茄酸味。以前飲過其他薯仔湯因為太稠，愈飲愈口渴，好似吞稀薯蓉咁，有啲滯。但Chef's Stage Kitchen嘅湯帶酸，唔會過稠，做好前菜開胃嘅本份~
沙律拌有青蘋果絲，清新開胃。牛角包一拎上手傳嚟一陣暖意，餐廳好貼心，有將包烘暖。食落鬆脆酥軟，有牛油香而唔油膩。
食完前菜，已經不禁期待主菜~
香煎比目魚配白酒汁伴鮮忌廉薯蓉、四季豆及秋葵 $128
香煎比目魚配白酒汁伴鮮忌廉薯蓉、四季豆及秋葵
27 瀏覽
0 讚好
0 留言
薯蓉好rich，用乾燒四季豆點嚟食好match~ 秋葵一向唔係我杯茶，但燒秋葵帶少少焦香，令啲秋葵汁好易入口，甚至令我添食~
卡邦尼尖通粉 $88
一塊塊芝士片灑落喺尖通粉之上，令芝士控朋友極為激動。尖通粉比較厚身，食落煙韌。掛上醬汁，拌上煙肉碎，令我停唔到口
炭燒紐西蘭牛肉眼扒配燒汁伴燒新薯、四季豆及秋葵 $138
係我平時見開嘅扒嘅兩倍size炭燒味幾香~係餐廳入面唔少牛魔王嘅至愛~
特飲真係好靚~上層係藍蝶花茶，下層係蜂蜜。望落玫瑰蜂蜜味最浪漫最吸引，同行朋友話飲到玫瑰味，睇嚟唔係得個樣喎~要留意嘅係因為蜜糖密度高，要好快攪，不停攪先會勻。特飲比較甜，因為蜂蜜好重手，唔慣嘅可以叫少甜。
雖然好飽好滿足，但一場嚟到，而且之前咁多道菜為我哋打下強心針，我哋決定出動第二個胃，食甜品！！
法式焦糖燉蛋 (凍) +$25
焦糖燉蛋
32 瀏覽
0 讚好
0 留言
好少喺餐廳食甜品，一篤落去嗰陣先醒覺焦糖係硬XD 朋友講先知應該先敲碎焦糖~
焦糖厚薄啱啱好，脆脆地，唔黏牙，陣陣焦香~
燉蛋綿滑，creamy到介乎喺蛋與mousse之間，奶香、蛋香同樣濃厚，超好食~
Tiramisu $58
Tiramisu
19 瀏覽
0 讚好
0 留言
坊間嘅Tiramisu大多只係咖啡粉多到嗆喉嘅木糠布甸。入流嘅tiramisu有酒香，底層浸過咖啡濕濕地，面層咖啡粉更加唔可以多得離譜。
呢度嘅tiramisu雖然比較貴，但其實好大份，足足一飯碗份量，當正餐都唔會餓。
蛋糕帶酒香，果然冇令我失望。底層都算濕潤，但可以再浸多少少咖啡~
餐廳各方面表現出色。服務周到、細心。侍應會適時幫客人添水、換餐具同碟。細心啲睇，會發現餐廳有唔少窩心位。天花風扇用透明file整咗風檔，唔會直吹客人頭頂同食物。位下面有儲物箱放袋。餐牌同價目大方show喺餐廳出面，唔會嚇怕一啲偶爾先豪一豪嘅客。仲有兒童餐、大量BB椅供應~感受到廚師真心對待每一位顧客，食物無論味道定賣相都好吸引。
餐廳設計令人好舒服。其實食物份量大且高質素，賣呢個價絕對係極之相宜。如果唔係咩特別節日想豪返次嘅，嗌一個set再飲品/甜品大家share都唔會係大負擔~值得嚟一次，期待嚟多次！
店員喺我哋走嘅時候講咗句：「下次見~」完全表現出佢對餐廳嘅信心。而呢一句亦都係我嘅心聲~好想食多次~~~~(不過都冇咁快喇，暑假大洗咗)
題外話/補充資料：
午市免加一
晚市有live band
適合情侶、家庭、朋友
(以上食評乃用戶個人意見 , 並不代表OpenRice之觀點。)
張貼
