影片
更多
2022-06-24
20 瀏覽
家庭日總要作一定困擾的決左，大家食咩野。要合乎所有人的口味通常都是日式餐廳。屋企有人自願做步兵。甘就辛苦哂佢走遠小小，上網找到這一間外賣壽司店🍣。千之味御品。跟據步兵報道店面可以用兩個字形容「乾淨」。一間壽司店乾淨對我來說極之重要❗️因為制作的是魚生刺生等生食的。講到外賣自取壽司的話，平時多數都係爭鮮、魚尚，今次係第一次食呢間壽司，㨂左幾個set全家一齊食。一入到去店面整齊乾淨，但佢無提供座位，只有兩張企枱，所以呢間鋪頭應該做外賣居多。等緊既期間望左佢個廚房一陣，半開放式，但又大又乾淨。有陣時出街食飯都會八卦下人地個廚房咩樣，雖然唔係好知道裡面格局，但我都幾欣賞佢個廚房，乾淨闊落，成個觀感好好。外賣會送埋個保溫袋同冰比你，而番屋企中途買左少少野，所以around 45分鐘之後先番到屋企，塞番個幾盤壽司入雪櫃雪一陣先再食。咁多款入面，我最鐘意左口魚同墨魚。其實平時出街好少食左口魚，但今日呢個左口魚鮮甜唔油膩，連我屋企人都話好食。而墨魚都係出乎我意料地好食，平時食街食個D會好難咬，但佢呢個爽口之餘唔會咬唔爛。一片片白雪雪既魚身配上細膩既刀紋，爽彈既口感成為我今日至愛。另外一款意想不到既係三文
甘就辛苦哂佢走遠小小，上網找到這一間外賣壽司店🍣。
千之味御品。
跟據步兵報道店面可以用兩個字形容「乾淨」。
一間壽司店乾淨對我來說極之重要❗️因為制作的是魚生刺生等生食的。
講到外賣自取壽司的話，平時多數都係爭鮮、魚尚，今次係第一次食呢間壽司，㨂左幾個set全家一齊食。一入到去店面整齊乾淨，但佢無提供座位，只有兩張企枱，所以呢間鋪頭應該做外賣居多。等緊既期間望左佢個廚房一陣，半開放式，但又大又乾淨。有陣時出街食飯都會八卦下人地個廚房咩樣，雖然唔係好知道裡面格局，但我都幾欣賞佢個廚房，乾淨闊落，成個觀感好好。外賣會送埋個保溫袋同冰比你，而番屋企中途買左少少野，所以around 45分鐘之後先番到屋企，塞番個幾盤壽司入雪櫃雪一陣先再食。
咁多款入面，我最鐘意左口魚同墨魚。其實平時出街好少食左口魚，但今日呢個左口魚鮮甜唔油膩，連我屋企人都話好食。而墨魚都係出乎我意料地好食，平時食街食個D會好難咬，但佢呢個爽口之餘唔會咬唔爛。一片片白雪雪既魚身配上細膩既刀紋，爽彈既口感成為我今日至愛。另外一款意想不到既係三文魚吞拿魚蓉反卷。佢個魚蓉同整體壽司配合得好好，唔會有醬料蓋過魚既鮮味，亦都唔會互相搶味，同時加上青瓜蔥絲入口清爽，係今日既黑馬。雖然平日大家都會讚三文魚有幾好食，但咁啱今日叫既三文魚都係炙燒或者有芝士、醬料等，我自己覺得加左醬料之後反而食唔出壽司質素，或者沙律醬自己會蓋過哂所有味道，所以都係謹謹試過兩口，但整體質素係好既。
Overall我都幾滿意呢間鋪頭，係絕對可以番兜以後再食or同frd 開party 既時候嗌黎食。滿意佢個性價之餘，質素都好OK（PS大推左口魚，三文魚吞拿魚蓉反卷同墨魚）。或者之後可以lunch再試下佢D丼飯or定食，因為個價錢都好幾吸引。我住附近的話應該會成日忍唔住嗌黎食😂😂。
張貼
