秀拉麵 (已結業)

之前食開豚王~ 不過無晚市~ 今晚同個fd去左呢度食!!好好彩~有位仲要唔洗等! 呢個讚!呢度係剔紙仔~要咩唔要咩~鐘意點剔就點剔，我最愛葱~當然就係多葱啦~ XDD湯辣定唔辣~D麵要淋身D定硬身D第二個要讚~叉燒有得揀肥定唔肥!!我要左個白秀~朋友仔要左個黑秀，我地重叫多個餃子!!白秀拉麵 ~ D湯夠杰身，好濃!! D湯係掛到上d麵到，所以每啖都好香好濃!! 我要左瘦叉燒~配料有蔥有木耳~好爽口!! 麵條係幼身細麵，不過勁有咬口，好~爽滑~ 好~煙韌黑秀拉麵 ~ 原來係加左黑醬油~ 我地覺得同白秀差唔多~ 下次試撈麵或赤秀!!最后~ 餃子登上~ 本人好喜歡食餃子!!煎餃子好好食，煎得勁脆脆又香，加埋d青葱(特別我呢d葱怪~最愛就係葱XDD)、芝士同明太子沙律醬，好正! 用檯上面果隻甜甜地既汁，真係好好食! 跟住都忍唔住叫左多客!!下次再去一定會再食~第三個讚就係服務態度幾唔錯，最鐘意就係水係枱面，自助式，唔洗成日叫加水!!下次一定要試下赤王先得~hehe