魚八日本料理 (已結業)

之前經過幾次這間店，睇吓個餐牌，午餐要一百以上🙈雖然一點前埋單有85折，但都有啲貴，所以有D卻步，但今日終於＂的＂起心肝試吓，因為上網睇好似幾好味咁🙈入去坐bar枱，叫了個帶子海膽四色飯，先上熱辣辣的麵豉湯，唔太䶢，幾好味，之後要等耐一點先上個飯，一上見到＂真身＂好似好好味咁，當然要相機先食，之後就急不及待開餐😋一開始心諗，點解無wasabi🤔問店員攞wasabi，佢話師傅應該放了在葉底，哈哈，原來真係😃真係大鄉里🙈本身啲飯已落了豉油，熱辣辣，D帶子海膽各樣也好鮮甜，三文魚子䶢䶢的，可以撈飯食，好好味😋，份量也剛剛好，最後上埋個甜品，非常完滿😋下次出咗糧再幫襯🙊