老鍋台式火鍋 (已結業)

今年沒有冬天， 聖誕節都過了天氣侬然熱辣辣。但我愛打邊爐嘅心一啲都冇變過， 特別係台式麻辣鍋， 食起嚟特別痛快！今晚原定去吃麻辣火鍋， 奈何前幾日BBQ完勁上火， 所以家姐就話要戒戒口， 於是我地改叫酸菜白肉鍋， ，裡面有海量豬腩肉片跟酸菜， 又有湯頭酸酸地，加上超甜粟米同蕃茄， 開胃得嚟又香濃。佢啲豬腩肉片好爽脆， 食落一點都不油， 連一路話怕怕嘅家姐都吃不停。牛肉我要左安格斯肥牛， 貪佢肉質夠香夠滑， 有牛味。雖然話怕上火， 但都係忍唔住點左黃金炸魚皮同台式臭豆腐， 兩樣都咁香口， 特別係臭豆腐， 頗正宗。為左中和番， 所以點左一份白玉， 即係白蘿蔔， 超好味， 煲腍後索左湯汁， 入口香甜，一啲根都冇。因為豬肉同牛肉份量好多， 所以丸物我地只點了墨魚滑。墨魚滑幾有墨魚味，而且彈牙， 幾好味。因為我地唔知湯底已經有寬粉條（傻瓜瓜一對）， 所以仲加左一份。不果因為佢煮完之後勁索味， 所以我地就算好飽都KO左一半😅。