順德公漁村河鮮酒家 (已結業)

從朋友口中得知呢間《順德公漁村河鮮酒家》有唔少以河鮮烹調既菜式，當中包括多款「魚」鮮，如老火燉湯及山坑鯇魚等招牌菜，所以特意帶爸媽黎嘗一嘗。觀塘店藏身於帝盛酒店中，識食之人才懂來啊...... 蟲草花天麻燉魚頭湯 - 燉湯非常足料，大魚頭、豬肉及雞腳得湯料可一同食用，味道還可以，唔會好似一般湯料甘無曬味。而燉湯味道好鮮味，好清甜，感覺夠滋補。順德煎釀二叔公 - 即系魚肉釀尖椒及魚肉蓮藕餅，比起一般食既鯪魚肉更為惹味，雖然好食，但無咩特別。特色翅湯枱面蒸山坑鯇魚 - 睇落又唔似有咩特色，但其實湯頭出奇地鮮甜，而且毫無腥味，大家都爭相飲完一碗先慢慢開始食魚。魚肉非常的滑，店方亦系魚湯加左胡椒及蒜薑等辟味，所以魚肉不腥，整體都幾鮮味。得獎銅鑼蒸污糟雞 (半隻) - 雞肉超級嫩滑，亦帶肉汁，而醃料的醬油味道咸甜並重，整體都幾好食。