影片
更多
2020-11-09
39 瀏覽
正宗黯然銷魂飯冇錯，同經典電影裡面一樣，即係叉燒煎蛋飯，不過就冇洋蔥，因為我冇流眼淚嘅感覺。叉燒同我哋平時食開嘅蜜糖燒嘅叉燒唔同，似係煙薰多啲，但就冇咁乾。肉質半肥瘦，爽口唔油膩。蘸特製嘅醬汁，味道似客家風味嘅梅菜豬肉，負責人話醬汁只係用紅蔥頭嚟整。飯係特登整到比較乾同硬，等撈咗啲汁後會煙韌有嚼口啲。加埋一隻滑滑嘅太陽蛋咁就perfect了。招牌乾炒牛河。一上枱已經聞到一陣焦香味，係木魚碎。河粉炒得比較乾身，唔會食到成口油，加埋芽菜、洋蔥、蔥等嘅配料，令到口感更爽口唔油膩。美中不足係牛肉炒得老身咗啲，食落有啲乾同硬。燒味雙拼(油雞拼燒鵝)。油雞皮爽滑唔肥膩，雞肉嫩滑，就咁食已經好味，蘸薑蔥汁食直情係絕配。燒鵝皮香脆，肉質爽口，帶小小脂肪滲出嘅油有一種獨特嘅香味，嫌肥膩可以蘸酸梅醬食。食完飲番杯鹹檸樂，鹹鹹甜甜又有汽，解膩就最啱。
冇錯，同經典電影裡面一樣，即係叉燒煎蛋飯，不過就冇洋蔥，因為我冇流眼淚嘅感覺。叉燒同我哋平時食開嘅蜜糖燒嘅叉燒唔同，似係煙薰多啲，但就冇咁乾。肉質半肥瘦，爽口唔油膩。蘸特製嘅醬汁，味道似客家風味嘅梅菜豬肉，負責人話醬汁只係用紅蔥頭嚟整。飯係特登整到比較乾同硬，等撈咗啲汁後會煙韌有嚼口啲。加埋一隻滑滑嘅太陽蛋咁就perfect了。
招牌乾炒牛河。一上枱已經聞到一陣焦香味，係木魚碎。河粉炒得比較乾身，唔會食到成口油，加埋芽菜、洋蔥、蔥等嘅配料，令到口感更爽口唔油膩。美中不足係牛肉炒得老身咗啲，食落有啲乾同硬。
燒味雙拼(油雞拼燒鵝)。油雞皮爽滑唔肥膩，雞肉嫩滑，就咁食已經好味，蘸薑蔥汁食直情係絕配。燒鵝皮香脆，肉質爽口，帶小小脂肪滲出嘅油有一種獨特嘅香味，嫌肥膩可以蘸酸梅醬食。
食完飲番杯鹹檸樂，鹹鹹甜甜又有汽，解膩就最啱。
張貼
