影片
更多
2013-03-26
541 瀏覽
聞說呢間啲嘢食都ok，終於有機會試吓。一試真係把幾火連平時好少寫comment，都不得不上黎寫寫，等大家去呢度食飯前可以作個參考六點幾過到去，即刻有位。坐低諗咗一陣就叫嘢食。由於得三條友，所以都唔可以叫得太多嘢。先黎個芥蘭煲上到枱勁大煙，攪到我勁咳。味就普普通通，不過不失再黎:全個名已經唔係好記得。好似係叫花雕浸蘿蔔冬瓜蟹。因為餐牌寫住市價，叫之前問佢點賣。佢話至少三，四百蚊。講講吓，發覺佢根唔係講緊另一種煮法。如果係花雕浸，花雕按隻蟹幾重，每斤好似二十蚊 (注意，餐牌沒特別註明)。咁我哋就問佢會唔會秤完隻蟹話返我地知有幾斤呀，佢話唔會，隻隻差唔多重。因為我地唔多人，如果隻蟹太大，都驚食唔晒。我地諗住叫過第二樣。講講吓，唔知佢係唔係驚我哋唔要，就話可以幫我哋揀隻細少少。頂，阿姐想點呀！問佢又話隻隻差唔多!算…照食味道都算幾好，花雕味幾重。咁浸法，啲蘿蔔同冬瓜都幾好味跟住咸魚煎肉餅配法包或豬仔包。落單嗰陣佢有提醒我地有八件包同肉餅。怕唔怕食唔晒。我哋就問佢有無細d份量，佢一口話無。但又講話可以著量減兩件，咁即係點?即係有無呀？問佢咁如果減，咁又點計呢？佢依依俄依咁話照除，即係又點呀？結果
六點幾過到去，即刻有位。坐低諗咗一陣就叫嘢食。由於得三條友，所以都唔可以叫得太多嘢。
先黎個芥蘭煲
上到枱勁大煙，攪到我勁咳。味就普普通通，不過不失再黎:
全個名已經唔係好記得。好似係叫花雕浸蘿蔔冬瓜蟹。因為餐牌寫住市價，叫之前問佢點賣。佢話至少三，四百蚊。講講吓，發覺佢根唔係講緊另一種煮法。如果係花雕浸，花雕按隻蟹幾重，每斤好似二十蚊 (注意，餐牌沒特別註明)。咁我哋就問佢會唔會秤完隻蟹話返我地知有幾斤呀，佢話唔會，隻隻差唔多重。因為我地唔多人，如果隻蟹太大，都驚食唔晒。我地諗住叫過第二樣。講講吓，唔知佢係唔係驚我哋唔要，就話可以幫我哋揀隻細少少。頂，阿姐想點呀！問佢又話隻隻差唔多!算…照食味道都算幾好，花雕味幾重。咁浸法，啲蘿蔔同冬瓜都幾好味
跟住
咸魚煎肉餅配法包或豬仔包。落單嗰陣佢有提醒我地有八件包同肉餅。怕唔怕食唔晒。我哋就問佢有無細d份量，佢一口話無。但又講話可以著量減兩件，咁即係點?即係有無呀？問佢咁如果減，咁又點計呢？佢依依俄依咁話照除，即係又點呀？結果唔理佢，照叫咗全份，食唔晒最多咪拎走。問佢可唔可以揀豬仔包定法包，佢話無，廚房鐘意執乜就乜，咁就唔好寫出黎啦味道:無乜咸魚味既咸魚肉餅。係個包幾好食，想點呀？!
再黎
炸墨魚丸。呢個唔係嗰個阿姐落單，所以叫既過程無問題味道:都係普普通通，墨魚丸味唔重，但炸粉唔厚，都係不過不失
總結:
食物質素:平平無奇。可能我地無乜叫佢海鮮價即海鮮關係卦
環境:都真係幾嘈，想傾偈就唔好揀呢道。櫈，係普遍膠櫈，唔太舒服。值得讚吓枱下面有個位可以放袋，算係幾好
服務質素:今時今日咁既服務態度超唔掂。食物質數唔算出色，但服務態度勁差劣，話自己出名係海鮮，感覺係出名海鮮價。原因除咗以上所提及，仲有好多。未食完，未叫埋單，又係同一個阿姐走埋黎問d野齊未，我話想要個盒拎走d野，佢話要收二蚊。二蚊個盒都算啦，跟住佢好叻咁拎張單埋黎話齊頭八百蚊。佢咁樣，我當然要計下條數啱唔啱，同埋佢都未俾個盒我，。佢好似驚我地走數咁，不停話轉頭俾我。我話完條數，一共係七百九十八蚊，唔係差唔差個兩蚊，宜係佢咁既服務質素同食物水準，仲要已經加咗服務費，俾多一毫子貼士佢都嫌多。佢仲要咁四寫五入，我真係唔會俾呃囉。我話佢計錯數，佢又拎番去計，結果係我啱。佢就問我要盒要唔要膠袋，我問又要收幾錢呢？佢話收多一蚊。超級市場膠袋都係五毫，佢個超精美膠袋點解要一蚊呀？我話唔駛啦！結果佢好唔願找番兩蚊俾我個陣，仲好唔願意咁拎埋個盒同膠袋過黎。真係唔該晒
價錢:我諗咁既食物質素同服務態度要咁即價錢真係唔成正比。唔通真係出咗名就可以咁
如果真係想試下呢間食市，真係要好好諗清楚。唔想受氣千奇唔好考慮
張貼
