佳佳甜品

營業中

休息中

十分無禮貌！唔會再來！天氣熱想帶老人家食啲凍嘅甜品，嚟到排隊，明明入面有位坐，偏要人等另一張枱，已經講明唔介紹分枱坐！好啦，入到去分枱坐，見張大枱終於有位，米問下可唔可以轉枱囉，我都講明如果無得轉都無所謂，只係問一問，結果個侍應就串起來話頭先叫咗你等㗎啦！你唔聽！大佬，我都係好有禮貌問下啫，出面30幾度，又有老人家，我都已經講明如果無得轉都無所謂，洗唔洗咁串？叫野食時我哋好有禮貌地講想要凍嘅，個唔知係老闆定係侍應就好串咁話：你唔講我就當你熱㗎囉！你講我先比凍，唔講就無！我心諗：我依家就係同你就講要凍嘅，你串咩啫？到叫麥米粥，又細碗又硬唔好食，竟然係呢個價錢真係唔會再食！！