Classified (已結業)

其實我都知道Classified一直都想走「好西」路線，所以員工都要請「賓籍」的，但可惜佢地既態度永遠都麻麻，無表情無笑容，唔叫野飲即黑我面，又唔會再添水（但我叫到成枱野食架噃）好，講返食物質素，4個字：又乾又硬！《Crispy fried chicken club $116》- 呢個好彩夾有醬汁，口感無無乾，但圍邊既部分真係咬唔落！《Egg Benedict $108》- 不過不失，起碼有流心，基本野。《Bacon butty $55》- 差差差，用刀卜落去硬到「哼哼」聲，完全入唔到口，中間夾得細細塊已經唔多新鮮既ham，差過7仔放雪櫃賣嗰d!! 薯條明顯唔係新鮮，仲要賣成$55最後埋單仲要加一，我唔知有咩「服務」可言。環境：對正巴士馬路車來車往，食塵。