亞萊嘜嘜 (已結業)

假期無事做，去荃灣逛逛街。搭巴士日日都喺千色店落車，行過見到大家樂樓上開左間泰國野，好似幾吸引。行到天橋，見到佢派埋傳單，咁有誠意，今日就一於試一試佢咩料上到去都幾多客，裝修都幾靚。我地四個人，分別叫了兩個「無骨海南雞飯」和兩個「無骨豬手飯」因為本人不是食海南雞，未能給予評語。友人雖然食晒啲雞肉，但指味道麻麻。附上的冬瓜湯都可以接受。等左好耐，終於都上我碟豬手飯喇!可惜...第一眼見到，賣相都扣晒分。豬皮燜到淋pat pat，啲肉又散晒，肥膏佔好多。如果豬手係燒的話，我相信會好食好多，皮會燒到脆卜卜添。可能佢怕食客會覺得燜豬手，食得多會好漏，仲有些酸菜喺旁邊和酸酸的醬料附上。（不過...兩樣野本人都覺得不好吃，好唔夾）唯一讚嘅係...碗飯大到我地個個都食唔晒，一定食得飽。