森及茶 (已結業)

#LuBie荔枝角#LuBie台式#LuBie飲品最近留意到有呢間台灣過江龍既存在，主打台式手搖飲品，見佢啲飲品賣相同啲飲品種類都幾多選擇。今日咁岩同朋友經過呢間分店，就推介左俾朋友一齊買黎試。🍹超級水果鮮茶就咁睇裹面既水果量都唔少，柑子、百仙果、檸檬、橙、西瓜同菠蘿等。水果既種類比平時飲開既多。茶味會偏清淡少少 岩岩好唔會蓋到水果既果味，呢個茶既配合上幾好。叫左少甜，都建議叫少甜，因為平時飲過清果茶都偏甜，而且本身水果都有果糖，會令杯飲品變甜，所以叫少糖會岩岩好唔會甜到溜。可能係柑橘類既水果比較多既關係，呢杯水果茶既味道會偏向柑橘味多啲，味道都唔錯。🔽🥤手作芋泥鮮奶芋泥既量都幾多，就咁睇外面有大半既芋泥掛左杯，奶味正正常常，牛奶唔會好杰身好容易mix到啲芋泥，芋泥既香味都幾出幾夠味，亦都食到啲芋頭既碎粒 有啲咬口。如果芋泥既綿密度可以再高少少，甜度再甜少少會更好飲。🔽🥤惡魔波霸奶茶杯裹面黑糖掛杯既情況都唔錯，因為叫左少甜，有影響到呢杯飲品既味道，建議叫返全糖會好啲，黑糖既量會影響到杯奶茶既味道，因為少甜令黑糖味變得有啲唔夠。黑糖珍珠味道唔錯，黑糖味好夠，咬口都可以。🏠森及茶📍荔枝角長