十六座車仔麵 (已結業)

呢間簡直係賣飛佛嘅車仔麵💛經常都會翻食呢度個湯底好正，冇加味精架！另外有好多特別嘅餸食例如牛爽（即牛舌芯）、蝴蝶腩、米糖雞翼呢幾樣我都好推薦大家試下！豬大腸、蠔油冬菇、米糖鹵雞翼 配 公仔麵🐷大腸係肥嘟嘟，不過今次去食就可能有啲洗唔乾淨，有少少怪味。之前食開都冇事🍄冬菇好入味🐣雞翼都好入味，而且幾大隻。味道比普通滷水雞翼甜少少~牛爽、滑牛肉、蘿蔔 配 芫茜麵芫茜麵唔係超重芫茜味。茜迷可能會覺得失望喇🐄牛爽好好味！真係好似個名咁爽口彈牙~🐄滑牛普通，有一兩舊會有筋🥕蘿蔔就好甜又冇渣