陵發潮州白粥 (已結業)

簡直超中伏，星期日，八點幾入到去，即有位，環境惡劣，伙記態度超差。點了滷水三拼，香腸，鵝腸拼豬耳，花生鳳瓜(個呀姐還串串貢覆我70蚊碟㗎啵)，滷水汁韭菜花，一碗粥及一支啤酒。食物很快送上，首先送上是花生鳳爪，細心數一數得6隻鳳爪些少花生收70蚊碟，為起10多蚊一隻，真喺太離譜，好彩味道還可接受，接著滷水三拼，一眼望落去好似垃圾般的上碟，師傅刀工十分差，味道方便淡而無味，香腸不是平日食開的那種，應是下價貨式，鵝腸不算好肥，但沒有味道，衰過白烚，豬耳切到大細不一，刀工十分差，完全無用心去做，韭菜花無切花頭，份量最多半扎韭菜花收30蚊碟。還有一支藍妹收35蚊，貴過酒樓。這間打冷店喺我食咁多間打冷之中最差的一間，無論食物質素，環境，職員態度都是差差差。