香港郵意 (已結業)

想搵個靜靜地地方同班姊妹睇下書交流下，諗起之前同朋友黎過哩度食野，環境好合適，購買一杯飲品既價錢就可以靜靜地坐低睇書、做自己喜歡的事情又或hea一個下午，姊妹們都贊同黎體驗下都市悠閒地。我地黎到大概係下午兩點左右既時間，唔知系咪因為星期日關係，店內人流很多，我地行左兩個圈都搵唔到個較寧靜既位置，四圍都坐滿了人，幸好之前系網上Book左位，於是向店員查詢，經他幫忙後才有張檯坐下，我地既計劃只能在半泡湯之下進行，人來人往之中閱讀。而因為人流較多既關係，我地無即時購買飲品，係中段時間，我出左去幫姊妹們購買飲品，我叫左壺有機檸檬薑茶、鮮奶綠茶、百利甜酒朱古力、鮮奶朱古力，比完錢，店員比左個呼叫器我，我坐反埋位，大概過左15分鐘左右既時間，呼叫器便響起，可以去出餐處提取飲品了，熱呼呼，有機檸檬薑茶好大壺，味道好清新好薑，姊妹們都一致話飲品好味，我地睇完書飲完野，之後將D杯放反去自助清理區便離開了。