瑪哈巴 (已結業)

入左去先知係景樂集團既，其實平日都比較少食連鎖餐廳既，但尼間餐廳既員工都好得意，我地講廣東話佢就講英文，話唔識中文。好啦咁我地講英文啦，佢就死都要講半鹹淡既廣東話。講番食物羊腩，幾肥，朋友話好有似牛腩，無咩羶味。芝麻腐皮雞肉卷，正正常常，口感唔錯，幾脆口。鵝肝長通粉，鵝肝太焦，其他算係勉強合格。田螺大啡菇，應該係即食田螺，無咩田螺味。唔記得咩炒飯，濕到飛起，完全唔得。唔記得咩沙律，六個人六件燻蹄，ER..係鴨胸，堅唔似鴨胸。羊鞍，D肉梅既，朋友話臭既，完全唔得。牙籤羊肉，乾到無味，無其他野講。菠菜蛋，真係菠菜蛋自己水煮差唔多。土耳其糖果及榚點，士多啤梨幾好既，其實真係砂糖咁樣。Blue Ocean，尼個唔錯，有少少益力多既感覺。西瓜唔記得咩，好難飲，完。總結:不可一，不可再。