影片
更多
2018-09-13
952 瀏覽
未試過幫襯完一家餐廳係咁激氣，錢比左，個肚都仲係空，要再出去食過野。本來同朋友去太子happy hour, 佢地想順便食埋野，於是就揀左呢間都幾多好評的吧。酒吧地點已經唔易搵，係酒吧街後面，平時都唔會點去到個頭，入到去裝修環境都唔算差。一坐底就開始黎料，店員不斷游說我地試佢地餐廳最出名的豬手，本來我地想叫的是燴豬手($158)，但最後都比佢講到要左德國燒咸豬手($268)，價錢相差咁遠，點都期望佢係好食。另外都叫左碟腸送啤酒。啤酒就上得快，黑啤好重麥味好香，檸檬啤幾特別，夠清新好香檸檬味，幾啱女仔飲。送酒小吃有薯片，不過唸既，唔脆，仲有少少益味腸都幾好食，熱辣辣脆卜卜，肉質都幾彈牙同爽。豬手就真係不得不差評，等左成半個鐘都未有，已經無催佢，食住其他野咁等。之後有一枱因爲等太耐，叫了的豬手沒有吃到就走，店員將整碟豬手搬入廚房，朋友就同我打賭店員會否將豬手搬出來比我地枱食。哈，比佢估中，店員真係將隔離枱成碟豬手搬返出黎比我地，點解認得出係因為個樣完全一樣，豬手仲要係凍，塊皮放耐左仲硬過我條命，衛生問題，對住碟豬手食都唔想食。最後就算食完所有野都唔飽，要行去旺角掃街。
本來同朋友去太子happy hour, 佢地想順便食埋野，於是就揀左呢間都幾多好評的吧。酒吧地點已經唔易搵，係酒吧街後面，平時都唔會點去到個頭，入到去裝修環境都唔算差。
一坐底就開始黎料，店員不斷游說我地試佢地餐廳最出名的豬手，本來我地想叫的是燴豬手($158)，但最後都比佢講到要左德國燒咸豬手($268)，價錢相差咁遠，點都期望佢係好食。另外都叫左碟腸送啤酒。
啤酒就上得快，黑啤好重麥味好香，檸檬啤幾特別，夠清新好香檸檬味，幾啱女仔飲。送酒小吃有薯片，不過唸既，唔脆，仲有少少益味
腸都幾好食，熱辣辣脆卜卜，肉質都幾彈牙同爽。
豬手就真係不得不差評，等左成半個鐘都未有，已經無催佢，食住其他野咁等。之後有一枱因爲等太耐，叫了的豬手沒有吃到就走，店員將整碟豬手搬入廚房，朋友就同我打賭店員會否將豬手搬出來比我地枱食。哈，比佢估中，店員真係將隔離枱成碟豬手搬返出黎比我地，點解認得出係因為個樣完全一樣，豬手仲要係凍，塊皮放耐左仲硬過我條命，衛生問題，對住碟豬手食都唔想食。
最後就算食完所有野都唔飽，要行去旺角掃街。
張貼
