影片
更多
2022-07-16
183 瀏覽
同狗狗爸爸一齊搭咗程車，嚟到呢間餐廳。今日天氣好熱好熱，室內溫度接近32度，何況室外？雖然叫車差唔多係點對點，不過，到咗餐廳果一刻，已經標曬汗喇。我哋都知，哪怕係寵物友善餐廳，好多都係講緊人同寵物坐室外，而呢間餐廳都冇標明係寵物友善，所以，我哋係預咗坐外面架，只係由於冇瓦遮頭，所以喺酷熱天氣下，真係人同狗都差啲頂唔住。我哋訂咗位，到達後，侍應就喺店外開咗檯同櫈俾我哋。點咗餐牌上的2款brunch：全日早餐同大啡菇露筍意粉，跟餐有餐湯，而餐飲我哋就分別加錢（特飲/咖啡半價），點咗凍薄荷朱古力同埋Dirty。餐湯先上，係蘑菇湯。飲落覺得好似金寶蘑菇湯。湯係用一隻細茶杯裝住，裝唔滿，基本上三兩啖已飲曬。全日早餐賣相幾靚，食物亦好豐富，係狗狗爸爸點既。問佢點，佢就話都係一般的全日早餐。撇開食物質素，其實喺烈日當空下進食，胃口或多或少受影響~~大啡菇露筍意粉賣相唔錯，配料、份量睇落亦足，露筍係幼身果種。我見到個意粉後期望幾高，覺得佢咁靚，應該都會好食。點知，叉咗一撮嚟食，我就覺得唔係好對版。。。點解意粉咁稔既？做唔到al dente都不足以形容，佢係太稔，好似茶餐廳食到的茄汁豬扒意果啲意粉咁，絕
點咗餐牌上的2款brunch：全日早餐同大啡菇露筍意粉，跟餐有餐湯，而餐飲我哋就分別加錢（特飲/咖啡半價），點咗凍薄荷朱古力同埋Dirty。
餐湯先上，係蘑菇湯。飲落覺得好似金寶蘑菇湯。湯係用一隻細茶杯裝住，裝唔滿，基本上三兩啖已飲曬。
全日早餐賣相幾靚，食物亦好豐富，係狗狗爸爸點既。問佢點，佢就話都係一般的全日早餐。撇開食物質素，其實喺烈日當空下進食，胃口或多或少受影響~~
大啡菇露筍意粉賣相唔錯，配料、份量睇落亦足，露筍係幼身果種。我見到個意粉後期望幾高，覺得佢咁靚，應該都會好食。點知，叉咗一撮嚟食，我就覺得唔係好對版。。。點解意粉咁稔既？做唔到al dente都不足以形容，佢係太稔，好似茶餐廳食到的茄汁豬扒意果啲意粉咁，絕對失色~~一路食，一路爆汗，而且因為碟意粉水準麻麻，我心諗，嚟錯喇
就喺我哋食到一半，2杯飲品送到，而佢哋就為餐廳挽回一局。薄荷朱古力幾靚，第一眼以為佢的味道會好淡，因為杯的下截係朱古力的啡色，上面就係奶的白色，諗住咁樣一半一半，朱古力味可能好淡，點知又唔係喎，而且薄荷味幾出，好清新呀！杯朱古力夠凍，成為咗我哋的救星！
Dirty的layering就調番轉，下面係白色（凍奶），上面係咖啡的啡色，而最頂就係咖啡的crema。咖啡好飲呀，而凍奶的溫度都幫手降溫。
整體而言，呢度的食物質素非常一般，不過飲品又真係幾好，而餐廳亦有唔少細緻、花心思的裝飾佈置，影相會幾靚。既然元朗有咁多好嘢食，我建議可以先去第二度醫肚，然後再嚟嘆杯嘢，打下卡，唔帶寵物的話，盛夏坐裡面嘆冷氣，應該幾chill~
張貼
