家嫂一家大小

營業中

休息中

呢間放題真係不得了，佢上菜係有次序，一開始佢上左6款前菜，分別係黑糖糍粑、紫薑皮蛋、白酒煮蜆、螺肉沙律、炸翠玉瓜同炸蝦多士，所有前菜都係任食同埋全部都好好味!食完個前菜，佢上左隻長過張枱既刺身船，上面有帶子、大蝦、凍蟹、八爪魚、北寄背、鮑魚、吞拿魚同仲有一款唔知咩魚~ 樣樣野都好新鮮。食完個刺身船佢就上雞煲，雞煲勁入味好滑，仲好多料，侍應姐姐話唔夠雞可以再加。食完雞煲就打邊爐，佢仲有幾款湯底揀，我地揀左花膠老火湯，不過打邊爐食既野都係佢set左, 係任食既, 佢會一次過上哂，然後你仲追加邊樣就叫邊樣，邊爐嗰張相入面既食物係未齊既，佢仲有手打丸、蟹、同埋好似仲有，多到我都唔記得, haha~ 個籠入面係魚皮。本來大家都嗌好飽，但因為個湯底好多海鮮好甜，我地最後叫左2份烏冬都搶哂，可惜公仔麵無哂, 如果唔係仲正! 火鍋料全部朋友一致認為蠔、魚肚同餃最好食!訂位既朋友訂位時order左4個雪燕燉椰皇，每個$32好抵。食完飯仲有蕃薯糖水~另外餐廳門口右手邊有個飲品醬料區，4大個雪櫃野飲任飲, 仲有大部分野飲都唔係盒裝/罐裝勁有heart, 除左凍飲仲有熱水/ 熱既好似紅棗茶。仲有雪櫃入面有3款