曉廚軒香港風味 (已結業)

兩口子食咩都開心既，簡簡單單一盅兩件，食飽飽就滿足地返屋企。 七點幾大代依然冷清清，雖然坐落地玻璃邊視野、景觀較好，但費事行住野行咁遠，求其對正舖頭食夠方便。今晚都係得四款飯揀，見到煎蛋牛肉幾靚仔，要您啦。叫兩個餐加個湯，有菜有肉有飯夠晒！夠均衡喇麻。，嘩！流心荷包蛋！高質甘甜暖笠笠，好靚既金黃色包住飯粒一齊食，超好味！最搞笑我落錯左喼汁當甜豉油撈飯，不過錯有錯著，原來幾好味架，原本喼汁就係配牛肉啦。最後再加自家甜豉油混埋辣椒渣齊齊食，惹味香辣非常，正！飯粒又乾爽嚥韌有咬口，大愛！美味！梅香咸魚肉餅飯，賣相同樣一流！顏色鮮明有光澤仲立立亮！索一索香噴噴舒筋活絡，咸魚既咸香撞埋肉餅既肉香再被飯香籠罩著，流晒口水啦！急急添上幾滴豉油跟所有配料撈得均勻，大啖大啖咁食，好滿足好美味！肉餅彈滑 juicy，good！潮洲粉果，第一次試，拆開睇睇咩料先。沙葛、花生、芹菜、肉鬆，我對沙葛花生芹菜都麻麻地，不合我口味。質數不過不失啦，配上大量辣椒渣都唔錯，係醃太少囉，有點空洞感覺，唔夠飽滿！仲有好大進步空間。頂級潮州粉果始終係大埔新明發，足料肉味香濃，餡料滿滿的，外皮薄而嚥韌，又無花生芹菜同沙葛，