龍點心 (軒尼詩道)

營業中

休息中

食物價錢唔算平，味道一般。本身都覺得可接受，但食到最後發生咗件事令到我地好唔高興。我地點完第一輪點心後覺得唔夠食，所以點多咗個蒸飯。當個蒸飯剛剛嚟到時，有個阿姐突然走埋嚟話我地用餐時間已夠，我地話唔知有限時，個阿姐話訂位時已經講咗用餐時間1小時，但我話好肯定無。但個阿姐有理無理已放底咗張單走咗去。我就睇下當時幾點啦，發現只係食咗55分鐘，即係就算用餐時間只有1小時我地亦未超時，但個阿姐嘅態度真係令我地好唔舒服。而且點解當我地加單時個侍應唔同我地講未必夠時間食呢？！最後我地好急咁用咗10分鐘食完個蒸飯就埋單走人。今時今日咁嘅服務態度，我地已經係難得留港消費嗰一班人，仲要受到咁嘅對待，怪不得個個也北上消費。