蘇媽.蘇媽馬來西亞茶餐室

營業中

休息中

其實鍾意食貴店嘅肉骨茶，真係因為覺得物超所值，所以都幫襯左唔少次。之前d 女店員見到我飲哂d 湯之後都會主動過嚟問我需唔需要加湯，而我都會要加，因為飲完個人真係好舒服，好似去除左濕毒咁。今日我都如常去蘇媽蘇媽個到食三層肉肉骨茶個午餐，但是次體驗真係奇差！首先，明明平時都係會連埋隻調味料碟仔一齊上，我本身都諗緊會唔會個店員陣間會拎俾我呢，點知等咗勁耐都冇，於是我就主動舉手或需要碟去混醬，點知個男店員用好奇怪嘅眼神望住我，然後勁Hea咁樣拎多隻碗、多隻匙羹同隻調味料碟仔俾我，我都唔知佢搞邊科。然後我食晒所有嘢之後諗住飲多碗湯，於是舉手示意。跟住個男店員就一路加湯一路話唔好嘥嘢🫠呢句真係焫着咗我，我而家係食晒啲嘢，飲多碗湯都唔得？同埋如果飲多碗湯係唔得嘅話，咁你哋舖頭門口有寫可以免費加湯？同埋我次次入嚟幫襯都係飲兩碗湯先走人，如果唔係我食肉骨茶個套餐做乜嘢，咁就梗係因為真係需要飲嗰個湯先入嚟幫襯啦🫠.多謝你呀長毛哥哥仔，你嘅態度真係令我唔想再入嚟幫襯，你公司真係要多謝你，雖然我都知道小我一個客唔少☺️