兜記即燒乳豬專門店 (已結業)

即燒乳豬皇($150/例牌)黎到燒乳豬既專門店梗係要食乳豬啦，得兩個人食唔到咁多，所以只係叫左例牌，過左一陣間乳豬就上枱啦，雖然唔算係超級熱辣辣，但係溫度都可以接受。乳豬唔算好多件，主要係燒到脆卜卜嘅外皮，下面連埋少少帶肥豬肉，食落口超級香口，件件都脆到好似薯片咁，配埋更乳豬嘅外皮包住食，再沾少少醬，勁滿足啊喂！另外都仲叫咗幾款唔同嘅小菜，例如係三杯雞，熱辣辣咁上枱，好香好惹味！呢個魚香茄子豆腐煲都幾出色，茄子煮得煮淋入味，食落又唔會過鹹，送飯一流呢！