Ginger Bakery (已結業)

今晚決定以甜品代替正餐，因為身處灣仔，心知有很多選擇，不斷反覆思量該選中式還是西式，一路行吓行吓就俾一塊好sharp嘅藍色招牌吸引，係Ginger Bakery。一直都好想試佢地嘅蛋糕，今日終於有機會。係櫥窗望咗一陣就已經有決定，不過都係心思思想選件特別啲。店員耐心地為我解釋：Lime cheesecake，加入青檸汁及檸檬皮，口感清新，屬於fresh and light；Chocolate & Brownie cheesecake屬於較rich的，芝士餡更加入brownie，令口感更豐富。我選擇了後者是因為這款口味是新品種，其他地方亦較難找到。先評外表，核桃碎已經將整件蛋糕面覆蓋形成一層layer，夾心的brownie亦相當大粒，賣相已值90分。再評味道，核桃碎入口仍然有點脆，好香，連芝士一齊放入口更加係好夾；芝士焗得非常香，濃滑卻不算軟身。至於味道較淡的brownie，當夾心的話是好襯，食完整件cake亦唔會覺得甜椰椰及好漏。惟獨似brownie的非傳統餅底卻嫌不夠厚及不夠實，扣了少少分。不斷推出新口味的Ginger Bakery會令你有興趣過一排再返嚟。