雲南風味 (已結業)

有heart指數係♥♥♥♥雲南風味係好偶然既情況下發現，但係想唔到一試便愛上。今日去開觀塘，又忍唔住同女友一齊去。雖然話愛上，但我覺得佢做既米線都幾一般，唔單止同石蔭既神品"雲南小鍋米線"差好多，甚至同連鎖店比，都有一段距離。但係！佢既小吃已經補番好多好多分！係到隊下啤酒，食下小食真係好正！呢三樣一定係必點之作，麻辣雞翼已經褪左骨，一拎起就係一舊圓碌碌既肉，又香又辣又嫩！每次送啤酒至少要食四五件！醬骨架，炆得非常淋，佢個湯汁唔係話非常重味，但香味撲鼻，非常濃郁，有少少藥材既香味。蒜泥白肉，其實好簡單一個菜，唔明點香港好多餐廳整得咁難食，最緊要係白肉要薄，落蒜唔好孤寒，呢間整得好正宗，同係雲南食差唔多。汽鍋雞，係雲南係名菜，係用個特製既瓦煲將雞既精華迫落湯水到（好似係），係雲南飲係非常濃郁，濃到應該加左味精或者雞粉，香港呢間既汽鍋雞反而仲好飲，清新得黎又好鮮甜，非常唔錯，今次係第一次叫，非常有驚喜。另外叫左啲米線呀，餃子呀之類，但覺得無咩特別。