慢煮工業 (已結業)

呢間小食亭係一個好鐘意搵嘢食嘅朋友介紹俾我知。平時成日都行尖東，成日都經過百週年紀念花園，但我真係從來無留意到呢度有個咁chill 嘅小食亭。自從發現咗呢到之後，真係差唔多一個月至少食一次，一食就食咗年半。先講環境，其實就係一個公園中間有個賣嘢食嘅地方（好似好廢），但即係話呢到只有少量座位。你可以買走喺公園搵個地方坐低食，或者喺店嘅邊位度食，大概可以同時坐4個人。再講食物選擇，呢個好chill，有三文治，沙律，薯條，雞翼小食etc。一啲西餐廳會有嘅嘢，佢都會有，但一啲西餐廳無嘅嘢，佢都有。例如手工啤，大啡菇，章魚小丸子，甚至係炸蘿蔔糕。其實食咗好多次，我已經差不多食哂佢嘅全部嘢。但可惜最近先開始寫食評，所以今日寫住２樣嘢先。今日真係有點熱，要企戶外食嘢真係無能力食太多。所以叫咗個招牌慢煮安格斯牛扒芝士三文治（加薯條），同芝士流心蛋大啡菇。芝士流心蛋大啡菇：大啡菇非常JUICY，好重菇味，佢唔會整到乾爭爭，咬落去係有水份有汁。個蛋係真係半熟流心，煮到岩岩好。第一次食果陣吉穿咗，蛋汁流哂落紙盒我仲覺得好浪費添。呢個大啡菇真係要連住蛋一齊食，加埋面頭個芝士用火槍燒過，好完美嘅配搭。慢煮安格斯