影片
更多
2013-12-11
3857 瀏覽
早排行海港城見到niji原來中環有做saturday 任食，於是就book左兩位同老婆一齊去試下。原本訂7點，但果日撞晒期，要打去推遲再推遲，結果去到果陣都已經7點45，好在話last order係9點，幾驚叫得一輪就無得再叫。先講下呢個任食係點任食，就係佢地畀左餐單你，你可以剔底入面既食物，再等佢地落單。佢地既食物分左幾類：蛋包飯(呢間餐廳原來出名係呢樣)、沙律、水煮蛋(又係一樣出名菜，但我地無叫到)、湯、意粉飯、薄餅漢堡包等，同埋就係任叫燒牛柳。第一次叫就五樣野食加兩份牛柳個Parma ham沙律同出面坊間用料差唔多，d菜夠新鮮，配個芝麻汁易入口，ok之後黎左南瓜湯同什菌湯，兩個湯我都飲左啖比較，發覺個什菌湯就好濃好味得多，感覺到d好微細既什菌碎係個口入面，南瓜湯就無乜特別囉。 個鰻魚蛋包飯就正囉，其實我地兩個人已經叫左份細份，但都估唔到咁大，一人一半都好多，個蛋幾滑，成份蛋做得好實，用湯匙勺起無話散開，廚房真係幾有心機去整，鰻魚唔腥，又大份，飯係混左鰻魚汁同埋什菌炒過，三者配搭得好好，如果當係平時晚飯，叫呢個一個人食真係剛剛好。食完呢三樣已經覺得有d唔對路，因為發覺自己好似叫得太
原本訂7點，但果日撞晒期，要打去推遲再推遲，結果去到果陣都已經7點45，好在話last order係9點，幾驚叫得一輪就無得再叫。
先講下呢個任食係點任食，就係佢地畀左餐單你，你可以剔底入面既食物，再等佢地落單。佢地既食物分左幾類：蛋包飯(呢間餐廳原來出名係呢樣)、沙律、水煮蛋(又係一樣出名菜，但我地無叫到)、湯、意粉飯、薄餅漢堡包等，同埋就係任叫燒牛柳。第一次叫就五樣野食加兩份牛柳
個Parma ham沙律同出面坊間用料差唔多，d菜夠新鮮，配個芝麻汁易入口，ok
之後黎左南瓜湯同什菌湯，兩個湯我都飲左啖比較，發覺個什菌湯就好濃好味得多，感覺到d好微細既什菌碎係個口入面，南瓜湯就無乜特別囉。
個鰻魚蛋包飯就正囉，其實我地兩個人已經叫左份細份，但都估唔到咁大，一人一半都好多，個蛋幾滑，成份蛋做得好實，用湯匙勺起無話散開，廚房真係幾有心機去整，鰻魚唔腥，又大份，飯係混左鰻魚汁同埋什菌炒過，三者配搭得好好，如果當係平時晚飯，叫呢個一個人食真係剛剛好。
食完呢三樣已經覺得有d唔對路，因為發覺自己好似叫得太多咁...
然後呢兩樣就殺到...講真...個薄餅無得挑剔，個餅底真係好脆，雖然已經有D野壓住個胃，但食落口就真係好香口好好味，黑豚肉同個汁又夾，食完都唔覺得膩。
但係個意粉真係有D敗筆啦，首先真係好油...好漿糊咁...叉起一注放入口...我食唔出D汁同黑松露既味，真係食兩啖已經有D食唔開既感覺...勉強食一半，最後都係要放棄。
好在...好戲在後頭
其實黎呢度食就係為左食佢...燒牛柳啦，即叫即整關係，落單食到咁上下先送上，然後第二輪再加單，又係等至少十分鐘以上，如果鍾意又唔等得，最好就早D落定單，咁就唔駛等太耐。講番個味道，如圖所見，比較生，rare至rare-med，出血...但其實我無話要咁生，似乎係無得要求幾多成既...希望有其他食家將來可以話畀我知。
入口好嫩滑，d汁好多，好易咬爛，雖然生，但食落又唔覺重血腥味，食左一件，已經忍唔住立即想叉第二件。圖中份量係兩份(double portions)，兩個人食完之後，我又要多兩份，太太只係之後係再想既兩份叉左一件，其他就我一個人食晒啦。
呢個時候已經好飽下，要飲番幾啖檸茶等d野食落左格先，否則就食唔到甜品
栗子芝士蛋糕，呢個係唔包我地叫既任食入面，係額外既，係佢地個facebook讚一讚就有，味道ok，沾番碟邊既糖漿或者朱古力粉會更入味。食埋個甜品先有時間四圍望下，裝潢簡約，白加淺啡，坐係度食野個人會感覺好放鬆，又見佢地已經整左聖誕裝飾，點綴左四周唔會覺得太單調同空洞。
整體而言，個任食真係唔錯，唯一覺得有d怪係果d食物既份量真係幾大下，感覺係佢地做番份正常晚餐set既份量畀你食，好似叫左一份細份既蛋包飯，都好似平時份量咁多，等你叫唔到幾多牛柳食咁，如果人多五六個人去食真係幾著數下，可惜我唔飲啤酒，否則可以加錢再任飲麒麟啤，下次再黎幫襯就唔會叫太多野食，專心食牛柳。
張貼
