翰林茶館 (已結業)

昨晚去了尖沙咀港威中心新開的翰林茶館食台灣嘢，聽聞這裏的珍珠奶茶非常出名，所以抱着非常大的期望去試吓。以為會排晒長龍，所以急急腳去，誰知沒有太多的人，可能未到晚飯時間，時間尚早。麵或飯可以單叫，也可以叫套餐，套餐則多包一杯飲品、小食和甜品。見佢啲麵食係一種叫鐵觀音味的麵，感覺幾特別，所以就叫一款紅燒牛腩茶麵套餐試吓。牛腩份量頗多，味道尚算OK，蔬菜配料有紅蘿蔔和椰菜，湯底幾好味，不會太濃，麵的外型有啲似蕎麥麵，鐵觀音味不太覺，質地偏淋，如果煙銀啲比較好。小食是炸墨魚丸，彈牙好味，但外皮淋左啲，而且只得一粒太少。選擇了翰林奶茶加白珍珠，未食過白珍珠，原來係比普通的size細好多，有啲似西米樣，都算煙銀，但由於太細粒，好容易未咬爛就幾粒一齊吞咗落肚，有啲驚唔消化，味道一般啦，比期望還差一截。甜品則是一款叫黑糖丸子，有啲似雷沙湯丸但細粒D，但質感煙銀，食到有黑糖味，但不是我杯茶。套餐要成百多元，又要加一，感覺有啲貴。