影片
更多
2023-08-19
588 瀏覽
聽同事成日講去“閃靈”食飯，心諗咩餐廳改個咁特別嘅名，原來人地叫“simp.lane”，哈哈，係啲同事發音唔好誤會左😂是日特意上黎一探究竟，位置在富利工業大廈，呢橦工廈都成日黎㗎，入面好多好野食🤤店內地方都幾大，雖然枱擺得唔多，但空間感十足，仲有個大大嘅玻璃房放貓貓🐱，隻黃毛貓貓好大隻，不過佢過左一陣就去左後房，影唔到相添😶🍛黃姜雞扒+煙肉配椰菜花飯叫左份低糖低碳餐😁揀左雞扒併椰菜花飯，再加塊煙肉添，幾豐富～雞扒軟嫩香口，除左黃薑味，仲食到花生味，唔知係咪花生油呢？定醃嘅時間有花生？總知就係好味啦，哈哈😋煙肉有兩片，卷成花狀幾靚。仲有個炒得乾身嘅椰菜花飯，口感真係好似飯，食落唔寡好好味😋🥐芋泥肉鬆牛角酥窩夫再加了份甜品，即叫即製嘅牛角窩夫，上枱非常香啊～牛油味😆窩夫脆身，芋泥有口感不過甜，加上肉鬆鹹鹹甜甜的真係好夾，好味又滿足🤤🍋凍檸樂天氣太熱好想飲凍飲解渴，本身想叫較健康的蘋果醋疏打，但今日無貨，咁轉飲凍檸樂先，夏天飲就係爽，即刻降溫😆枱櫈坐得幾舒服，冷氣十足，又要貓貓陪伴，上黎simp lane治癒下心靈確實唔錯😘晏晝無加一喲～
是日特意上黎一探究竟，位置在富利工業大廈，呢橦工廈都成日黎㗎，入面好多好野食🤤
店內地方都幾大，雖然枱擺得唔多，但空間感十足，仲有個大大嘅玻璃房放貓貓🐱，隻黃毛貓貓好大隻，不過佢過左一陣就去左後房，影唔到相添😶
🍛黃姜雞扒+煙肉配椰菜花飯叫左份低糖低碳餐😁揀左雞扒併椰菜花飯，再加塊煙肉添，幾豐富～雞扒軟嫩香口，除左黃薑味，仲食到花生味，唔知係咪花生油呢？定醃嘅時間有花生？總知就係好味啦，哈哈😋煙肉有兩片，卷成花狀幾靚。仲有個炒得乾身嘅椰菜花飯，口感真係好似飯，食落唔寡好好味😋
🥐芋泥肉鬆牛角酥窩夫再加了份甜品，即叫即製嘅牛角窩夫，上枱非常香啊～牛油味😆窩夫脆身，芋泥有口感不過甜，加上肉鬆鹹鹹甜甜的真係好夾，好味又滿足🤤
🍋凍檸樂天氣太熱好想飲凍飲解渴，本身想叫較健康的蘋果醋疏打，但今日無貨，咁轉飲凍檸樂先，夏天飲就係爽，即刻降溫😆
枱櫈坐得幾舒服，冷氣十足，又要貓貓陪伴，上黎simp lane治癒下心靈確實唔錯😘晏晝無加一喲～
張貼
