英王麵包店

營業中

休息中

早2日幫襯佢買咗個生日蛋糕，慶祝個女生日，到吹蠟燭切蛋糕時，發現個蛋糕係2個唔同嘅餅拼埋一齊，所有人望住個蛋糕，有人話，點解2個拚埋一個？係咪賣唔晒所以加埋一齊黎賣？望住個蛋糕，你會有好多唔同諗法，咁唔會諗係個餅嘅特色，嗰一刻，真係唔知講咩好，好尷尬，原本開開心心同個女食飯慶祝生日，居然因為個餅之後冇晒嘢講！第二日即刻去返A1問，佢地揾人覆我，但都冇人回覆，再第二日，我再落去問未有人覆我，咁點？佢地話再通知公司，好，我等你，幾個鐘後有人覆我，覆我嘅內容只係講個蛋糕係咁，有2個唔同口味，我好嬲就話，如果係咁，你地賣時唔講清楚？到我吹蠟燭切蛋糕時，隱約見到條坑，以為比人切過，抽起啲生果後先睇到，原來係2個唔同嘅餅，拼埋一齊，再加上面有生果，所以係唔會留意，如果咁樣賣比客，可以同我講明，我可以選擇要唔要，我幾十歲人，從來冇買過一個生日蛋糕係2件拼埋一齊，如果係咁，我買多8件唔同，拚埋一齊重多口味啦，結果覆我嗰個人，都係冇第二樣嘢講，重問我想點，唔係我想點，係你哋可以點做！冇結果，不了了之！設計呢個蛋糕嘅人，我諗真係發高燒，都唔X用腦！死得！