美盛匯 (已結業)

千祈唔好俾所謂嘅好評呃到，呢間餐廳嘅嘢食難食到一個點，唔單只保温唔夠搞到嘢食凍晒，而且又油又鹹，餸菜俾人夾晒又冇補充。麵檔果度仲離譜，唔俾揀餸同味道，乜唔係自助餐來咩？我未見過自助餐麵檔唔可以按自己口味去揀點煮囉！員工服務態度方面，阿姐個個黑口黑面，有D仲大聲夾惡，搞到食都食得唔開心。都唔明點解一間咁嘅餐廳仲可以生存到依家，聽講佢哋係做中資飯堂，中資員工日日食埋D咁嘅嘢都真係幾受罪。結論係，各方面都冇樣好，其實$98喺灣仔有好多選擇，點解要揀一間又難食，仲要食到一肚氣呢？