百匯軒 (已結業)

同朋友行完街即興過黎飲茶,一入門口reception已經好晦氣,寫完紙隊比我地話“入去啦”到帶位果個仲更加不知所謂,佢首先帶我地去張4人枱,然後佢話呢張大枱兩個人唔坐得。跟住帶我地去門口張一半入左牆,得一張櫈既位叫我地坐,點坐呀,人地推門入黎絕對撞到我膊頭。咁我成餐茶咪一有人開門咪起身??跟住佢又帶我地行去大廳,我好火滾,佢再大聲強調啲4人枱兩個人唔坐得咯。我丟低張點心紙同賣單卡轉身同朋友走。部長呢個時候走出黎話個帶位做乜人地入到黎有位唔比人坐。果位呀姐仲大大聲話咁坐啦。你地冇野呀??你覺得咁既態度過呼呼喝喝,我仲要幫襯你?唔好唔幫我登!!我覺得呢件事係應該比所有potential customer知道。我想話我平時係附近返工,萬一下次我帶左我啲客同老闆黎飲茶咪死!!!!呢間野既老細,如果你睇到而又注重自己盤生意既,唔該換左果兩個金髮聲大夾惡當客係仇人既女侍應。食客係黎食野係黎享受唔係事必要受氣既。