影片
更多
2018-05-11
2053 瀏覽
！！！酒店嘅價錢，垃圾嘅食物，街邊嘅服務！！！食晏，坐低即刻落柯打，20分鐘先嚟左碗湯，45分鐘後主菜都未到，禮貌地同個貌似經理嘅南亞裔男侍應講話我趕時間，請佢快啲，佢話：NOT ONLY YOU ARE IN HURRY, EVERYBODY ALSO IN HURRY！過多20分鐘，主菜音訊全無。迫於無奈底下唯有叫佢打包，如果唔係遲到返公司一定比老細照肺。恍如隔世後，竟然淨係打包左份主菜！套餐嘅甜品俾佢落咗格！杯餐飲又比佢落咗格！我從來冇諗過R折扣，淨係想攞返套餐應有嘅食物。點知個位時應絲毫歉意都冇，仲話YOU HAVE TO UNDERSTAND US!谷住道氣遲曬到返到公司，發現唔單止冇餐飲甜品，就連刀叉都冇，莫非係文化差異，EXPECT我一樣用手拿？食完成個餐，淨係飲咗個充滿味精嘅湯，食咗個好似廚餘咁味道嘅LAMB KEBAB，同埋一肚氣！呢間餐廳，永遠唔會再嚟幫襯！亦會同所有認識嘅人講叫佢哋唔好唔好黎俾人搵笨！餐廳老闆如果見到呢個post ,麻煩你換咗嗰位侍應，或者捉佢再培訓，以免倒米！嗰位侍應，如果你係老細，咁就請你快啲執咗間餐廳，唔好喺度累啲打工仔比老細照肺，做唔切就唔
食晏，坐低即刻落柯打，20分鐘先嚟左碗湯，45分鐘後主菜都未到，禮貌地同個貌似經理嘅南亞裔男侍應講話我趕時間，請佢快啲，佢話：NOT ONLY YOU ARE IN HURRY, EVERYBODY ALSO IN HURRY！
過多20分鐘，主菜音訊全無。迫於無奈底下唯有叫佢打包，如果唔係遲到返公司一定比老細照肺。恍如隔世後，竟然淨係打包左份主菜！套餐嘅甜品俾佢落咗格！杯餐飲又比佢落咗格！
我從來冇諗過R折扣，淨係想攞返套餐應有嘅食物。點知個位時應絲毫歉意都冇，仲話YOU HAVE TO UNDERSTAND US!
谷住道氣遲曬到返到公司，發現唔單止冇餐飲甜品，就連刀叉都冇，莫非係文化差異，EXPECT我一樣用手拿？
食完成個餐，淨係飲咗個充滿味精嘅湯，食咗個好似廚餘咁味道嘅LAMB KEBAB，同埋一肚氣！
呢間餐廳，永遠唔會再嚟幫襯！亦會同所有認識嘅人講叫佢哋唔好唔好黎俾人搵笨！
餐廳老闆如果見到呢個post ,麻煩你換咗嗰位侍應，或者捉佢再培訓，以免倒米！
嗰位侍應，如果你係老細，咁就請你快啲執咗間餐廳，唔好喺度累啲打工仔比老細照肺，做唔切就唔好做，冇咁大個頭唔好戴咁大頂帽！
46 瀏覽
0 讚好
0 留言
張貼
