石澗日本料理 (已結業)

呢間餐廳好唔好食在下仲未知，不過未食過就已經能夠令我有動力去開個account，寫出我嘅不滿，真係我生平第一次。前晚打電話去book位，諗住今日同屋企人慶祝佢考試完畢。BOOK位個電話過程順利，點知今日兩點幾有個 miss call，但係冇留言，打返去有個女仕竟然話我知我個booking原來只係on waiting list，仲話我miss咗佢call，所以張枱冇左。我即時回應話尋晚book枱果陣冇人話我知我只係on waiting list，同埋冇人話過如果miss咗佢哋confirm枱嘅call呢，就會冇咗張枱。大佬，你留言都冇句，貴餐廳會唔會再惡啲呀。點知果位女仕嘅回應只係一句：「我哋呢到係咁嘅。」聽到呢句嘢，真係唔火都幾難啦。佢唔係唸住幫我嘗試去解決問題，都唔係答得噤形掛。之後仲發生咗其它令人更燥狂嘅事，不過再響呢度講都冇意思，因為佢哋已經破壞咗我哋一家人今個週末嘅mood。其實成件事唔係淨係個接電話嘅女仕嘅問題，好幾位相關嘅職員都有問題。希望呢間餐廳嘅老闆可以早啲發現及正視佢班員工服務嘅問題，唔好等啲口碑差哂嘅時候而影響到生意先補救啦。好多嘢都係冇take two㗎！