影片
更多
2018-09-18
580 瀏覽
我平時都唔會寫食評。就算唔好味，最多下次唔去。今次真係太嬲，一定要將經驗講出來。..我今晚同男朋友2個人去食宵夜，叫左：1）蟹膏飯（$138）蟹膏同蟹肉明顯係罐頭貨，一碗飯收$138食罐頭，反正唔算太難食就算啦。..2）串燒 x 6 串燒OK，牛舌唔錯，其他就不過不失。..3）三文魚腩刺身一放入口就發覺件刺身中間竟然仲係冰硬（有雪添！）🤢 好明顯係冰格拎出來，未解凍/ 勉強切得開就拎俾我地食。..我地一人食左一件，擺落口就發覺唔對路。埋單時同侍應反映，侍應都好後生下，話要去問下。OK，無問題。..之後個廚師上來解釋，態度囂張：1）話唔可以唔鍾意食就話要退款（大佬，唔係唔鍾意食，係雪到硬掘掘 😑）..2）話好似食麥當勞咁，唔鍾意都無得退錢啦（我地宜家2個人食宵夜都$500，要同麥當勞比較嗎？你地覺得自己間餐廳係麥記同級？）..3）話去其他餐廳，都無得退錢啦（我唔係好挑剔既人，唔會周圍R免費餐。如果食刺身，食到有問題正常自然會出聲。食左咁多次，我試過2次出聲，一次免左件item，一次打個折。經理會講唔好意思，返廚房check下其他貨睇下有無問題。）..廚師理所當然咁講完晒以上，重申無得退款
.
.
我今晚同男朋友2個人去食宵夜，叫左：
1）蟹膏飯（$138）
蟹膏同蟹肉明顯係罐頭貨，一碗飯收$138食罐頭，反正唔算太難食就算啦。
.
.
2）串燒 x 6
串燒OK，牛舌唔錯，其他就不過不失。
.
.
3）三文魚腩刺身
一放入口就發覺件刺身中間竟然仲係冰硬（有雪添！）🤢 好明顯係冰格拎出來，未解凍/ 勉強切得開就拎俾我地食。
.
.
我地一人食左一件，擺落口就發覺唔對路。埋單時同侍應反映，侍應都好後生下，話要去問下。OK，無問題。
.
.
之後個廚師上來解釋，態度囂張：
1）話唔可以唔鍾意食就話要退款（大佬，唔係唔鍾意食，係雪到硬掘掘 😑）
.
.
2）話好似食麥當勞咁，唔鍾意都無得退錢啦（我地宜家2個人食宵夜都$500，要同麥當勞比較嗎？你地覺得自己間餐廳係麥記同級？）
.
.
3）話去其他餐廳，都無得退錢啦（我唔係好挑剔既人，唔會周圍R免費餐。如果食刺身，食到有問題正常自然會出聲。食左咁多次，我試過2次出聲，一次免左件item，一次打個折。經理會講唔好意思，返廚房check下其他貨睇下有無問題。）
.
.
廚師理所當然咁講完晒以上，重申無得退款。見我地生氣，就話雖然老闆話任何情況下都無得免任何item/ 出過另一件（咩政策黎架😑），不過佢可以私底下俾多客三文魚.....食過一次知道瀨野，唔通仲要咩...
.
.
最後我地俾足全數，不歡而散。唔駛講，一定唔會再黎。
.
.
希望老闆可以再想想，如果食物真係有問題，會食壞肚，希望可以訓練員工態度好少少，處理事件好d。我地都係想食餐好食既飯，為左咁既小事搞到咁激氣，真係好無奈。
張貼