影片
更多
2010-03-15
177 瀏覽
尋晚舊同事食飯，去左泓景臺商場既君臨海鮮酒家食飯，點知食到一肚氣。食物其實就無咩特別，唔可以話好好食，不過不失。最唔掂既其實係佢既服務，簡直係九流。我地叫左全包宴，都係例牌第一道係乳豬，不過隻乳豬肥到其實一d肉都無，只係得皮同肥膏...好多人都無夾而剩返好多，伙計阿 姐係咁問有冇人要，咁我地咪話好肥唔要啦，點知阿姐好似借左聾耳陳隻耳咁，係咁分曬俾人，結果有個同事頂唔住要喝止佢…之後有發菜瑤柱生菜，不過瑤柱就好咸。其他的菜好似炸子雞，蒸魚都正路，不過最後既炆伊麵就又細又無色水，同阿姐講佢竟然話炆係咁架啦....今次最唔滿意其實係佢地服務既態度，我聽早黎既同事講返佢地打左幾圈麻將都無人黎加茶﹐同伙計講佢地竟然答無水，真係咁都得?!另外我地眾同事最睇唔過眼既就係d伙計好似以熟賣熟，係咁入黎我地間房問我地 訂枱個位舊同事(曾經係熟客)問佢要利是?!! 仲要已經係過曬十五喎! 尾聲時個位訂枱既同事飲多左酒，個部長(?)又入黎借頭借路又想問佢要利是! 同埋我地望到佢係咁猴住個同事褲袋袋住既一疊利是添!!!仲有一樣想講就係呢間野衛生好麻麻，玻璃杯有野黐係上面，d show plate 仲要係油油地同
食物其實就無咩特別，唔可以話好好食，不過不失。最唔掂既其實係佢既服務，簡直係九流。
我地叫左全包宴，都係例牌第一道係乳豬，不過隻乳豬肥到其實一d肉都無，只係得皮同肥膏...好多人都無夾而剩返好多，伙計阿 姐係咁問有冇人要，咁我地咪話好肥唔要啦，點知阿姐好似借左聾耳陳隻耳咁，係咁分曬俾人，結果有個同事頂唔住要喝止佢…
之後有發菜瑤柱生菜，不過瑤柱就好咸。其他的菜好似炸子雞，蒸魚都正路，不過最後既炆伊麵就又細又無色水，同阿姐講佢竟然話炆係咁架啦....
今次最唔滿意其實係佢地服務既態度，我聽早黎既同事講返佢地打左幾圈麻將都無人黎加茶﹐同伙計講佢地竟然答無水，真係咁都得?!
另外我地眾同事最睇唔過眼既就係d伙計好似以熟賣熟，係咁入黎我地間房問我地 訂枱個位舊同事(曾經係熟客)問佢要利是?!! 仲要已經係過曬十五喎! 尾聲時個位訂枱既同事飲多左酒，個部長(?)又入黎借頭借路又想問佢要利是! 同埋我地望到佢係咁猴住個同事褲袋袋住既一疊利是添!!!
仲有一樣想講就係呢間野衛生好麻麻，玻璃杯有野黐係上面，d show plate 仲要係油油地同埋有陣叔味添!
呢間野服務不知所謂，真係無下次!!
埋單唔知幾錢, 因為我地夾埋錢搞抽獎。不過聽同事講好似一圍都要成三千幾...
張貼