岩手膳館 (已結業)

如果用100分做滿分，好對唔住，只係得20分。1. 湯底只有味精，一飲完全口渴；2. 選料垃圾，我食蔥油差燒拉麵，成碗只有油、肥到一夾就爛既「差」燒，真係差到冇辦法形容。3. 價錢離地，碗麵配料除左所謂既叉燒外，只有粟米、海帶、蛋等，卻賣$88，同級數又同款拉麵，相信就只有金太朗，但人家價錢平一半。4. 報導失實，門口貼滿報章、雜誌等報導，以為好有料，點知扮四條，呃街客入局；5. 零服務，全單除左食物之外，會另收加一服務費，但全店店員，只有Hea、更Hea同埋勁Hea，冇服務可言，亦唔會理會客人，離哂大譜。總結，如果嫌錢多又冇地方洗，又中意食伏野既，不彷一試，多謝。