影片
更多
2009-06-25
1 瀏覽
呢間野唔會再幫襯!! 事緣有朋友慶祝生日, 原先係訂左20:45, 但我同女友到了, 咪行入去向服務員查詢一下。點知那位小姐的態度極為惡劣, 又以懶係有禮貌的句子回答我:「呀先生, 你地BOOK左八點九, 講你出去睇下張紙, 我地門口有寫架, 你出去等下啦, 唔該」。呢種態度即係監獄風雲, 周潤發同阿SIR講:「我大聲唔代表我冇禮貌, 阿SIR 」一樣。那種又串又大聲的態度, 已經令我即刻唔想幫襯佢。不過有朋友生日, 又訂左檯, 為免唔想大家掃興, 所以唯有繼續留低等!! 好喇, 終於有得入去坐, 門口個服務員就攞住張紙係咁搵人入房坐, (我估係有人訂左, 但係冇嚟)之後條友仔就俾左間房我地坐, 我就同佢講, 我地8個人喎, 條友仲話:「冇問題, 坐得落」。點知一入去, 仲細過我屋企間房(公屋有幾大, 大家心照), 佢竟然要我迫8條友入去。我地曾嘗試爭取坐出大廳, 見佢有位係吉左, 條友又話有人訂左, 死都唔俾我地。(後來到我地埋晒單, 張檯都係冇人坐)間房又冷氣不足, 成晚一路食就一路標汗, 完全唔掂。 食物又唔掂, 問佢攞芥辣又叫左幾轉先攞嚟, 刺身又唔新鮮, 連飲
好喇, 終於有得入去坐, 門口個服務員就攞住張紙係咁搵人入房坐, (我估係有人訂左, 但係冇嚟)
之後條友仔就俾左間房我地坐, 我就同佢講, 我地8個人喎, 條友仲話:「冇問題, 坐得落」。點知一入去, 仲細過我屋企間房(公屋有幾大, 大家心照), 佢竟然要我迫8條友入去。我地曾嘗試爭取坐出大廳, 見佢有位係吉左, 條友又話有人訂左, 死都唔俾我地。(後來到我地埋晒單, 張檯都係冇人坐)間房又冷氣不足, 成晚一路食就一路標汗, 完全唔掂。
食物又唔掂, 問佢攞芥辣又叫左幾轉先攞嚟, 刺身又唔新鮮, 連飲汽水都係唔凍嘅, 問佢攞冰杯又係追幾次先嚟到, 成Q日漏單, 個象拔蚌壽司直頭腥到阿媽都唔認得, 但係佢又貼晒紙, 又話食唔晒要加50%費用, 班老友咪唯有咬啖之後就放低囉。叫左兩個鍋物, 又唔識得主動攞碗嚟, 叫人用隻碟點食先得架, 問佢攞, 最後都係冇嚟, 朋友咪唯有用裝芥辣的小碗食囉。
總結就係, 如果你唔想貼錢買難受, 如果你唔想食飯食到一身汗, 如果你唔想食垃圾的話, 小弟建議閣下千萬不要去了。由於本人唔喜歡食飯同D菜式影相, 故此沒有相片提供 !!
張貼