影片
更多
2020-03-20
119 瀏覽
港式粉麵可謂窮人恩物，即使百物騰貴，一碗可口嘅粉麵都只係三十幾蚊（呢間賣$32）。牛雜利潤低，但係工夫多，所以賣牛雜嘅店舖越來越少😔。難得遇上一間牛雜粉麵店，我決定叫一份淨食牛雜，滿足下心癮。利申我一個人食得晒以下所有嘢，因為真係太好食😭。.🥘五香牛雜淨食（走肺）$90滷水味濃郁，食落有層次又唔會死鹹。牛肚口感爽滑，帶有少少𡁻勁。牛腸洗得乾淨，但仲有少少肥膏，邪惡到令人停唔到口。牛膀粉粉地索晒啲滷水汁勁好味🤪。.🥟泰式炸墨魚丸 $36炸得乾身香脆唔油膩，內裏爽口彈牙。配埋酸酸甜甜嘅泰式辣醬超惹味🥴.🥬油菜 $14特登叫咗走蠔油，食咗咁多牛雜當然要食啲蔬菜清新下。唐生菜索汁最正🤤。.💛題外話：門口放咗兩本榮光歲月💛.🐮榮基牛雜粉麵鑽石山鳳德道111號鳳德街市地下CF9號舖
港式粉麵可謂窮人恩物，即使百物騰貴，一碗可口嘅粉麵都只係三十幾蚊（呢間賣$32）。牛雜利潤低，但係工夫多，所以賣牛雜嘅店舖越來越少😔。難得遇上一間牛雜粉麵店，我決定叫一份淨食牛雜，滿足下心癮。利申我一個人食得晒以下所有嘢，因為真係太好食😭。.
🥘五香牛雜淨食（走肺）$90滷水味濃郁，食落有層次又唔會死鹹。牛肚口感爽滑，帶有少少𡁻勁。牛腸洗得乾淨，但仲有少少肥膏，邪惡到令人停唔到口。牛膀粉粉地索晒啲滷水汁勁好味🤪。
.
🥟泰式炸墨魚丸 $36炸得乾身香脆唔油膩，內裏爽口彈牙。配埋酸酸甜甜嘅泰式辣醬超惹味🥴
.
🥬油菜 $14
特登叫咗走蠔油，食咗咁多牛雜當然要食啲蔬菜清新下。唐生菜索汁最正🤤。
.
💛題外話：門口放咗兩本榮光歲月💛
.
🐮榮基牛雜粉麵鑽石山鳳德道111號鳳德街市地下CF9號舖
張貼
