影片
更多
2016-11-14
1677 瀏覽
食上海野不禁令我諗起之前住喺荃灣嘅一段時間，果段時間我最鍾意就係食樓下嗰間上海菜館嘅上海粗炒同埋小籠包。一個星期起碼都會食兩三次，自從搬離開咗荃灣之後就真係好耐無食過上海野，有都幾懷念。因為工作嘅關係令我聽到上海姥姥呢個名p呢間開咗唔夠半年嘅餐廳，未夠半已經係好多個地區設店，特別係堅尼地城呢一間，佢嘅裝修做特別靚，有格調d。特色涼菜--上海嘅涼菜有好多唔同嘅味道，我相信最為人熟悉嘅就係四喜烤夫，醉雞同埋素鵝。呢度嘅涼菜可以自己組合任揀三個款式，啱晒小人食又想試多啲唔同新口味嘅。特別推介烤夫--味道比出邊嘅味道好，佢有啲甜甜鹹鹹，仲有少少玉桂粉嘅味道。入邊除咗烤夫，仲有冬菇同埋雲耳。食落去冬菇炆到好入味，軟身濃味，非常之好食。素鵝--平時我都唔係好鍾意食炸嘢，呢味菜我完全冇乜興趣，因為我好怕啲炸嘅嘢，但係呢度整嘅竟然唔乾身，食落去仲有少少脆而不乾嘅感覺，入面仲加左啲香菇同埋雲耳，仲增加左佢嘅味道。蟹粉小籠包--即叫即包即蒸，咁考功夫同時間嘅，佢完全係好快嘅情況下做好，由叫到可以食只不過係15分鐘嘅時間。整出嚟嘅小籠包個皮好薄，入面非常多汁，夾上黎嗰陣時候個皮又唔會爛喎，反而就見到個小籠包
因為工作嘅關係令我聽到上海姥姥呢個名p呢間開咗唔夠半年嘅餐廳，未夠半已經係好多個地區設店，特別係堅尼地城呢一間，佢嘅裝修做特別靚，有格調d。
特色涼菜--上海嘅涼菜有好多唔同嘅味道，我相信最為人熟悉嘅就係四喜烤夫，醉雞同埋素鵝。呢度嘅涼菜可以自己組合任揀三個款式，啱晒小人食又想試多啲唔同新口味嘅。
特別推介烤夫--味道比出邊嘅味道好，佢有啲甜甜鹹鹹，仲有少少玉桂粉嘅味道。入邊除咗烤夫，仲有冬菇同埋雲耳。食落去冬菇炆到好入味，軟身濃味，非常之好食。
素鵝--平時我都唔係好鍾意食炸嘢，呢味菜我完全冇乜興趣，因為我好怕啲炸嘅嘢，但係呢度整嘅竟然唔乾身，食落去仲有少少脆而不乾嘅感覺，入面仲加左啲香菇同埋雲耳，仲增加左佢嘅味道。
蟹粉小籠包--即叫即包即蒸，咁考功夫同時間嘅，佢完全係好快嘅情況下做好，由叫到可以食只不過係15分鐘嘅時間。整出嚟嘅小籠包個皮好薄，入面非常多汁，夾上黎嗰陣時候個皮又唔會爛喎，反而就見到個小籠包啲湯喺個包嘅底，好似想燒想爆甘，但又唔會。之後咬落去，d湯完全爆唒出嚟，肉汁夾雜著蟹粉香，超正！
我嘅主角，海膽蟹粉拌麵。好難可以想像到原來海膽同埋蟹粉竟然係好好嘅朋友，蟹粉一早就拆咗出嚟撈埋喺d手打麵嗰度，上面再放兩舊好大嘅海膽，食嗰陣時再撈埋一齊食，除咗有海膽嘅味道更加有蟹膏嘅味道再配埋師傅即場拉嘅麵，真係。。。夫復何求呢。。。
仲有我嘅最佳配角，一提到蔥油餅其實我真係一啲興趣都冇，食落去好似成口粉咁樣。但估唔呢度嘅蔥油餅竟然同我平時食嘅唔同，佢嘅蔥油餅上面嗰層皮係平時食嘅咋雲吞皮，好香脆。跟住中間就包啲蔥油喺度，超好味。令我對葱油餅改觀唒！
滋補的紅棗茶，潤而不渴，岩唒依家甘乾嘅天氣。
頭先都講到因為工作嘅需要令我認識到上海姥姥呢一間，我都知佢係大家樂集團其中一間食肆。所以我都唔會抱太大嘅期望，會覺得佢係一間快餐廳，但係今次食完之後我覺得完全係另外一種唔同嘅路線，我肯定會再食。
張貼
