耍家嘢

營業中

休息中

嚐辣既我最鐘意食車仔麵，好幾間店自家獨特既辣汁食完之後，都令我念念不忘 ，呢間就係其中之一。係合益廣場門口位置，幾張枱，地方雖然不大，但勝在冷氣足，店內既阿姨們熱情招呼客人。有40款餸供選擇，想貪心樣樣食d既，仲有set既九餸$49/五餸麵$39，比起散叫既四餸麵$43還便宜呢！點了咖哩魚旦、冬菇、牛肚油麵，先講油麵，好難得食到呢種爽彈，好多店既油麵都煮到腍哂。咖啡魚旦入味，而且有7粒甘多。冬菇以蠔油炆煮至微甜，中等size。牛肚剪到剛好大小，方便咀嚼。配上加左店家秘制辣汁既腩汁湯，夠味又好食！