揚天

營業中

休息中

我已經兩年冇寫食評，今次特別想為呢間餐廳寫一篇食評，因為唔好食到好想同大家分享。見之前食過呢間food court嘅某檔拉麵覺得幾好味之後，就嘗試發掘下其他檔嘅嘢好唔好食。今次試嘅呢個天婦羅飯定食，價錢$68算係比起市面上平，但係食完呢個之後，我寧願食返貴嗰啲。首先，佢嘅天婦羅我諗應該係一早炸好，所以食落其實凍冰冰，外面嘅炸皮係凍嘅，裏面啲蝦肉微暖。另外，佢嘅炸粉實在太厚硬，厚到覺得裏面有麵粉味，可能新鮮炸會好食少少？ 但係我應該唔會再幫襯呢間嘢。睇個樣其實幾靚，但味道真係麻麻，除咗個麵豉湯之外。