影片
更多
2017-07-21
1056 瀏覽
平時真係好少寫食評，實在睇吾過眼好受氣，認真攞錢買難受。不過睇完其他差評之後可能我呢d真係濕碎嘢。今晚同朋友係黃埔，10點半經過貴店舖諗住食少少宵夜串燒都唔錯，門口有四五個人係度等位，見門口坐咗兩檯諗住坐門口熱d都可以接受，問呀姐可否開張檯佢話門口唔坐得。。。唔知我見到果兩檯係咩。。。好啦，咁落咗單等一陣就等一陣。等到11點左右可以入得啦，地方真係好迫伸手就會撞到隔離，不過都理解真係人多地方細。一直坐到12點，來咗6隻雞翼(雖然肉味就無，雞翼尖都係生嘅，不過我鍾意孜然粉味道所以覺得還OK)，3串雞腎(真係好硬)，5串豬頸肉(都係食孜然味ok)，5串韭菜(認真又老又乾試咗一串吞唔落其餘。。。作廢)，一碗車仔米線(無汁揀，清湯，無味道可言，d生菜爛到發黑咬左d綠色ge食，同埋唔知點解加咗兩三舊大豬骨俾我仲叫我食咗佢全部都係骨我真係唔知點食)。之後就一直等等等，係多人，但係唔知點解佢哋上咗嘢食之後無記錄，次次來都係問你食咗乜乜乜未？係咪你哋㗎？有無落乜乜乜呀？等到0010仲有好多野未到，趕住搭地鐵尾班車，就同一個呀姐講我地趕地鐵，未整ge取消之後埋單，佢一句答你：你坐低等啦！好，等咗五分鐘，
不過睇完其他差評之後可能我呢d真係濕碎嘢。
今晚同朋友係黃埔，10點半經過貴店舖諗住食少少宵夜串燒都唔錯，門口有四五個人係度等位，見門口坐咗兩檯諗住坐門口熱d都可以接受，問呀姐可否開張檯佢話門口唔坐得。。。唔知我見到果兩檯係咩。。。好啦，咁落咗單等一陣就等一陣。
等到11點左右可以入得啦，地方真係好迫伸手就會撞到隔離，不過都理解真係人多地方細。
一直坐到12點，來咗6隻雞翼(雖然肉味就無，雞翼尖都係生嘅，不過我鍾意孜然粉味道所以覺得還OK)，
3串雞腎(真係好硬)，
5串豬頸肉(都係食孜然味ok)，
5串韭菜(認真又老又乾試咗一串吞唔落其餘。。。作廢)，
一碗車仔米線(無汁揀，清湯，無味道可言，d生菜爛到發黑咬左d綠色ge食，同埋唔知點解加咗兩三舊大豬骨俾我仲叫我食咗佢全部都係骨我真係唔知點食)。
之後就一直等等等，係多人，但係唔知點解佢哋上咗嘢食之後無記錄，次次來都係問你食咗乜乜乜未？係咪你哋㗎？有無落乜乜乜呀？
等到0010仲有好多野未到，趕住搭地鐵尾班車，就同一個呀姐講我地趕地鐵，未整ge取消之後埋單，佢一句答你：你坐低等啦！
好，等咗五分鐘，見佢根本無燒蟹柳，就同佢講蟹柳未整唔要啦，其他燒咗就打包帶走，唔該幫我地埋單，點知一個二個當你透明，完全唔理你唔應妳。其中一個即刻拎盒蟹柳同竹籤出來串，我話蟹柳未燒唔好燒啦幫我埋單我真係趕地鐵等唔到，佢又係果句：你等等啦！
之後，五分鐘內上齊3串雞中翼，5串豆卜，兩份牛油金菇，5串蟹柳，好似倒垃圾一樣倒比你話齊。
真係懶得同呢d人計較，所以埋單走人，全部打包走。
番到屋企一打開個袋，你真係唔敢相信呢d係用錢買來嘅串燒！
d蟹柳成舊炭但裡面係凍嘅，金菇凍嘅，豆卜燶嘅，雞翼出面燶入面d肉生嘅！
400幾蚊買個教訓，無良到咁樣做生意認真佩服，今次俾你呃到呢十幾支打包錢又如何？認真永無下次，唔會再幫襯。
你敢食嗎？
51 瀏覽
0 讚好
0 留言
張貼
