Cafe Hillywood (已結業)

去聽演唱會前搵食, 記得係多個月前經過柯士甸, 有間地庫的新餐廳開張, 但個時我地已食飽了, 今天正好俾我地去試下....落到餐廳的感覺都好大, 係中間佢放空做左 reception, 一面係 open kitchen, 另一面就係放餐枱, 但感覺枱與枱之間都幾密下 (如果真係坐滿)。當日七點幾去到時, 已經差不多有八成滿!我地叫左個小食, 炸蕃薯條, 微暖, 覺得蕃著唔夠甜, 如果加少許七味粉調下味, 會好味啲..佢menus 寫全部意粉都係自己手制, 所以我地都叫左個肉丸意粉, 有三大粒肉丸, 肉丸一啲都唔彈牙, 感覺似係一堆肉搓圓佢就算咁, 好一般, 意粉係闊條麵既size, 反而個意粉質感唔錯, 有少許彈牙, 唔會煮得過熟過淋!另外再點左個黑松露雜菌意大利飯, 個飯都夠cream, 唔會太硬, 個心都已經煮到軟軟地, 但係黑松露唔夠香!