三田製麵所 (金朝陽中心二期 - Midtown)

營業中

休息中

啱啱行完陣時代廣場，咁我就行過小小去登龍街睇下有咩食。睇到拉麵唔洗點排隊就直接入去呢間三田製麵所食啦，天氣凍凍地就叫左碗辛辣三田特製拉麵食，我咩都無加直接叫咗碗大拉麵就算。唔知係咪過左人氣，真係無乜人排隊係有原因。首先麵質一般食落好糊，辛辣拉麵佢用嘅係細麵，算掛到湯汁，但湯底唔夠辣唔夠濃，可能要加辣，又唔夠清，啖飲落都幾濁下。叉燒肉質無乜驚喜，似普通煲湯嘅豬𦟌咁，食落唔香唔入味，唯一可取係食落軟冧冧。上菜速度係奇快，唔洗10分鐘即刻有得食，可能就係太快，個質素就下降咗，比起剛開店果陣，呢家未免名過於實。埋單$108，唔平唔貴就算啦，無期望無失望。