拿督星馬大飯店 (已結業)

今次去觀塘熟食市場試一試星馬菜，不過因為餐廳在熟食市場裏面，所以環境比較差。香茅雞扒喇沙河湯底好鹹，都冇咩椰香味。雞扒不夠嫩滑，可能午市時段，雞扒仲要凍既。叉燒豬皮豉油炒河係沒有被告知的情況下豬皮轉為雞絲，有點兒失望。黑豉油汁雞翼雞翼都算大隻，而且好入味，好味！鯪魚釀豆卜炸得好香口，趣卜卜，配埋甜醬好惹味。之後仲叫咗杯凍奶茶同凍咖啡，凍奶茶只是普通茶餐廳的奶茶，有點兒失望。如果想飲馬奶茶，只有熱飲，如果凍的就是普通茶餐廳的奶茶。反而凍咖啡有驚喜，咖啡味濃，與奶的比例剛剛好，凍咖啡出色。