馬辣台式鴛鴦火鍋 (大鴻輝(荃灣)中心) (已結業)

見食評人人都話好，趁今日去開荃灣，晏晝上去打一打邊爐，中午12:00，檯數不多，約6-7檯客。一行4人入座，安排坐窗邊，夠舒服😌。因有小朋友，揀咗個蔬菜清湯同大人喜愛嘅沙爹湯。蔬菜清湯比想像中清甜，沙爹湯就唔太夠味，淡淡的。先嚟點餐，牛肉的確薄薄一片，安格斯牛肉味濃，其他肉則一般般。蔬菜類得唐生菜同西洋菜，無咩選擇。反而丸類超多，鍾意食嘅朋友一定食足夠本。食飽就食飯後甜品，雪糕都係大路嘢，如果想食D字牌雪糕，可以揀好叫店員拎。糕點可能太早關係，店員未準備好，出得一兩款，無得品嚐😔。正正常常嘅一餐，無咩驚喜，但店內嘅餐具都幾污糟，勸大家食前先洗一洗，抹乾淨。