煌府婚宴專門店 (已結業)

難得放假終於可以同屋企人飲下茶，嘆返一盅兩件🤣我好鍾意食港式點心，熱騰騰的蝦餃、燒賣、腸粉、春卷更是令人抗拒不了，但今次去到茶樓，點完點心後20分鐘都未有野食，問左幾次店員都叫我地等一等，都唔知有冇幫忙跟進😖.1. 福建炒飯好足料既炒飯，蝦仁、菇、翠肉瓜都好多，飯底炒得唔錯，粒粒分明同埋夠乾身，汁濃稠度剛好，不過偏咸，有點重手🙈.2. 春卷餡料豐富，有冬菇絲、甘筍絲、粉絲，炸至金黃香脆，但份量有點少，同埋唔太夠熱，好似放左一段時間.3. 咕嚕肉有我最愛既咕嚕肉🤤汁醬酸甜醒胃，表面香酥有光澤，肉質外脆肉軟，肥瘦適中，如果有埋洋蔥一齊炒會更加好