點點心 (已結業)

有時好想食點心，但又唔想去酒樓，基本上就會去點心店，不過d質素就比較參差，唔係樣樣都好食。午巿有套餐，我哋叫咗雲耳金針滑雞加時菜，d飯粒粒分明，蒸得啱啱好，d雞份量都好多，32蚊真係好抵。千島醬蝦春卷一向都係比較穩陣既點心，蝦份量比較少，但配埋沙律醬味道唔錯，又唔貴。煎釀茄子唔係用鯪魚肉，有少少似蝦膠，但唔夠彈牙，口感普通。醬汁蒸鳳爪一般貨色，同平時既差唔多。蝦網蒸腸粉真係唔多掂，因為佢d蝦好似未熟透咁，好難咬開，仲係透透哋明咁，真係食唔落。芋泥煎堆幾香口，中間芋泥冇想像中甜，可以一試。珍珠雞普通貨色，d糯米有d碎，冇平時食嗰d好食。南瓜蒸排骨又係要blacklist，d肉好難咬開，咬咗一啖已經唔多想食，可以88了。