潮興魚蛋粉

營業中

休息中

今日好早食晚餐，行到夜晚九點鐘，有啲肚餓就入咗去呢度食碗粉。望吓餐牌都有好多款式，魚蛋雲吞牛腩牛雜，你講得出嘅都有。最後我揀咗魚蛋粉加牛腩汁，再要杯凍檸茶，盛惠＄45。唔使2分鐘碗魚蛋粉就到啦，個河粉好滑，魚蛋同魚片都幾彈牙，份量都足夠，個湯底聲稱係用鮮魚加豬骨熬制而成，食落都幾清甜，再配兩滴辣椒油，真係衝上雲霄。喺銅鑼灣呢個地段呢講，＄45有面有嘢飲，都算係咁上下。老細都幾nice，收錢仲笑騎騎。